დღეს ,,გეტრების” ჩაცმა მომინდა. ჩავიცვი კიდეც, ხასხასა ვარდისფერი, წითელში გადასული. კაბა მუხლს ქვემოთ და სამსახურში წამოვედი. ყველა ფეხებზე მიყურებდა, არავინ სახეზე. ახლა ,,Moonlight Sonata” უსმენ და ვწერ. ამ მუსიკაზე სკოლის პერიოდი მახსენდება. ამოვიდოდნენ თუ არა ჩემთან, ჩემი კლასელები, იცოდნენ თუ არა, მუდამ ამ მუსიკას აკაკუნებდნენ პიანინოზე. უფრო სწორად როგორც ბებიაჩემი ამბობდა ,,უშნოდ უპარტყუნებდნენ”. ერთი ,,უბარტყუნებდა”, დანარჩენი სავარძელში ჩასვენებულები, პიანინოს მიყუდებულები და სკამზე ნახევრად გადაწოლილები, თვალებდახუჭულები უსმენდით. იმ პერიოდში მიყვარდა. (დედააა, ამხელა ქალი ვარ და სახელს ახლაც არ ვამხელ:)) ვეპრანჭებოდი ,,უგერგილოდ”, ამასაც ბებიაჩემი მეუბნებოდა:) ბაბუას აზრით ჩემის შესაფერისი ამ ქვეყნად არ დადიოდა:)
,,გეტრებიდან” დავიწყე, ანუ დილიდან. ახლა 6 -ის ათი წუთია. დეიდუნის და ნინიკოს დავპირდი ჩამოვალ ნამცხვარი გავაკეთოთ -თქო. ორი სტატია მაქვს დასაწერი, მეზარებაა! ! ! წუხელ ელავდა, სახლში მარტო ვიყავი, გულაღმა ვიწექი, აივნის კარი ღია მქონდა, ვერ დავიძინე. მერე გამასხენდა რაღაც ახალი ფილმი რომ ჩავწერე, მოვეწყე გემრიელად მელოდრამის საყურებლად, თურმე შემშლია, მიუზიკლი გადმომიწერია რაღაც. არ ვიყავი ამ ნოტაზე და ნიკაპამდე საბანაფარებულმა ისევ ელვას დაუწყე ლოდინი. ჩამეძინა ალბათ, რადგან დილით მილებში წყლის ფართხუნმა გამაღვიძა:)
,,გეტრებიდან” დავიწყე. ახლა თეთრი ,,გეტრები” არ მაქვს, ბავშვობაში უამრავი მქონდა, სამაგიეროდ ბავშვობა მქონდა ათასფერი. ახლა სულ ფერადი ,,გეტრები” მაქვს, დღეები კი . . .)
ცხოვრება იყოს ფერადი და თუნდაც სულ შავი გეტრებით ვიაროთ :)
ОтветитьУдалитьqet, ferad cxovrevas feradi gancyoba mosdes, Sesabamisad jrela-jrula tanisamosic:))
ОтветитьУдалить